Самоанализ занятия на тему "Кошларга җимлек ясау"

Самоанализ занятия объединения "Мастерская поделок" на тему "Кошларга жимлек ясау"
Скачать материал
Просмотр
содержимого документа

                          Дәрескә үзанализ.

Өстәмә белем бирү педагогы: Василова Эльмира Саматовна.                                                   «Эшләнмәләр остаханәсе”  берләшмәсе дәресе, 1 нче уку елы (1 нче сыйныф укучылары, 7 яшь).                                                                                                                     Дәреснең темасы: “Кошларга җимлек ясау”                                                                      Дәреснең тибы: яңа материалны өйрәтү.                                                                          Дәреснең темасы программада  “Пластик Фантазия  “остаханәсе” бүлегенә кертелгән. Бу бүлек 20 сәгатьне үз эченә ала.                                                                 Дәресне балаларның яшь үзенчәлекләрен, аларның мөмкинлекләрен, теманың тормыш белән бәйләнешен исәпкә алып төзедем. Дәресемә түбәндәге бурычларны куйдым:                                                                                                                   Белем бирү бурычы:                                                                                                                      -укучыларда кышлаучы кошлар турында гомуми күзаллау тудыру;                                        Үстерү бурычы:                                                                                                                                                  -укучыларның танып белү эшчәнлеген, мөстәкыйллеген, иҗади активлыгын үстерү;                                                                                                                               Тәрбия бурычы:                                                                                                                          -табигатькә һәм тереклеккә карата сакчыл караш, ихтирамлылык һәм ярдәмчелек хисен тәрбияләү.                                                                                                                                                                     Дәресне структур яктан куелган максатларга туры китерерлек итеп оештырырга тырыштым. Минемчә, укучылар дәрес барышына кызыксынып катнаштылар, бу – аларның актив булуларында чагылды. Дәресемнең нәтиҗәлелеген күтәрү, максатларыма ирешү өчен түбәндәге ысул һәм алымнар кулландым:

әңгәмә, аңлату, инструктаж..

Күрсәтмәлелек дәрес буе кулланылды. Презентация һәр адымыбызда ярдәм итте. Техник чаралардан файдаланылды. Дәрес эшлекле атмосферада, балаларның активлыгы белән үтсен өчен дәреснең беренче  этабында ук уңай психологик халәт тудырылды.

Укучыларны дәрес темасына алып кереп китү өчен кошлар тавышы файдаланылды. Аны аудио рәвешендә бирдем. Дәрестә уңай психологик халәт тудыру өчен демократик стильдә аралашырга тырыштым.  Белем һәм тәрбия бирүгә комплекслы якын килеп, дәресемдә балаларның тәрбиялелеген күтәрү өстендә дә эшләргә тырыштым. Шушы максаттан матур әдәбиятка мөрәҗәгать иттем: дәрестә шигырьләр, сынамыш файдаландым. Дәрес әйләнә тирә дөнья, әдәбият, музыка фәннәре белән предметара бәйләнештә узды.Татарча-русча сүзлеккә мөрәҗәгать иттек. Уку эшчәнлеген оештыру формаларына килгәндә,төп басым индивидуаль эшләүгә ясалды.

Дәрестә зур игътибар практик эшкә бирелде. Укучыларның мөстәкыйль эшләве контрольгә алынды.Эш барышында инструктаж сакланды. Дәрестә кулланылган барлык материал да куелган максатка ирешү һәм балаларны кызыксындыру, фикерләү сәләтләрен үстерү өчен эшләнә. Дәрес этаплары бер-берсе белән тыгыз бәйләнештә торалар.                                                         Дәрес максаты балаларга төгәл, аңлаешлы итеп җиткерелде. Дәрес башында  куелган максатларга ирештек дип уйлыйм.

 

                                                                                        

 

 

 

 

Информация о публикации
Загружено: 2 февраля
Просмотров: 201
Скачиваний: 0
Василова Эльмира Саматовна
Всем учителям, Прочее, Разное