«Образовательные итоги 2019/2020» - практическая онлайн-конференция Подтвердить участие→
Конкурс разработок «Пять с плюсом» июнь 2020
Добавляйте свои материалы в библиотеку и получайте ценные подарки
Конкурс проводится с 1 июня по 30 июня

5 класслы коми литератураысь урок «Мойдчыштам»

Урок-игра для учащихся 5 класса по коми народным сказкам
Просмотр
содержимого документа

5 класслы коми литератураысь урок-ворсöм «Мойдчыштам»

Урок лöсьöдысь- Старцева Полина, 9-öд класса велöдчысь

Веськöдлысь- Старцева Эльвира Александровна,

коми кыв да литература велöдысь

Ыджыдвидзса школа

 

Заводитчöм.

Видза оланныд, дона челядь! Талун Россияын пасйöны Велöдысь лун. Коді сійö велöдысьыс? Тайö тöлка, быдтор вöчны кужысь да челядьöс радейтысь морт. Велöдысь сетö ассьыс тöдöмлунъяссö тіянлы – челядьлы, мед тіянысь быдмасны сюсь да вежöра ныв-зон. Талун, школаса гаж вылын, ме – Полина Николаевна – лоа тіян велöдысьöн.

А талунъя урокнымлöн мог – казьтыштны мойдкывъяс, кодъяскöд ті тöдмасинныд воддза урок вылын да гортын гортса удж вöчигöн.

 

Ворсöм.

А медым миян урокным мунас гажаа, ме лöсьöді тіянлы мойдъяс серти ворсöм. Видзöдлам, коді медбура тöдö коми мойдъяс.

Медводз ті юксянныд кык команда вылö.

(Полина сетö жетонъяс, код серти челядь юксьöны кык команда вылö).

Челядь, кыскöй тайö кабалаторсö да сэки тöдмалам, коді кодкöд öттшöтш кутас ворсны.

Молодечьяс! Сідзкö, пуксьöй öта-мöдкöд и заводитам миянлысь ворсöм.

(Челядь пуксьöны кык команда вылö юксьöмöн).

Челядь, а мед ті верманныд тыр-бура вочавидзны став юалöм вылö, мöвпыштöй, мый веськалінныд мойдö. Талун ті верманныд веськавны 8 мойдö… Сьöлöм вылö воана мойдсö быд команда кутас бöрйыны ачыс…

Видзöдлöй, тіян водзын ворсан эрд, сэні дзебсьöма 9 юалöм. Сьöрсьöн-бöрсьöн ті кутанныд восьтны кутшöмкö номер улысь мойд да вочавидзны менам юалöм вылö. Быд вочакывйысь ті верманныд босьтны 2 балл – вочакывныд кö стöч да 1 балл – вочакывныд кö эзджык артмы. Вермас команда, кодлöн лоö унджык балл. А медводзын ме сета восьтны мойдсö котырлы, коді медводз мöвпыштас аслас командалы мойдкывлы лöсялана ним (шöр герой серти, мойдкыв ним серти либö мойдвывса лоöмтор серти да с.в.). Ноко, мöвпыштöй зіля.

(Челядь мöвпалöны, коді висьталас нимсö водзджык, вермас бöрйыны юалöмсö медводз. Полина гижö дöска вылö командаяслысь ним, та бöрын ворсöм заводитчö).

Восьтöй медводдза мойдкыв!

 

 

 

 

Восьтасны кö 1 номер – «Горт олöм» мойд:

Челядь, ті веськалінныд «Горт олöм» мойдö. Öні ме тіянлы лыддя 2 шусьöг, а тіянлы ковмас вочавидзны, кыдзи найöс позьö йитны мойдкывйыскöд. Позьö видзöдны небöгъясö да корсьны сэтысь вочакыв.

  • Дыр узигад йöв-выйыд оз сод. (Мужикыс дыр узис да нинöм горт гöгöрын вöчны эз удит)
  • Öтпырйö кык удж оз вöчны. (Мужик ставсö кöсйис вöчны öтпырйö: кöлуй мыськыны, нянь кöтны, шыдöс тойны, нöк гудравны, но нинöм эз артмы)

 

Восьтасны кö 2 номер – «Гундырли» мойд:

«Гундырли» мойдыд паныдасьö тöдтöм «гумла» кыв. А мыйкö кö мортыс оз тöд, сійö шыöдчö кывкудъяс  дорö. Вайöй корсьöй кывкудысь, мый сэтшöмыс «гумлаыс»?

(Полина сетö «Коми-роч кывчукöр», челядь корсьöны кывлысь вежöртас).

Гумла – «гумно, ток, площадка для молотьбы, расчищенная площадка для ловли птиц при помощи приманок».

Со кымын вежöртас «гумла» кывлöн, сідзкö, «гумла» – тайö кушин, весалöмин. Гундырли пöльыштіс да вöчис Иванкöд тышкасьöм вылö кöрт джодж сямаöс, весаліс аслыныс тышкасянін, та вöсна и пыртöмаöсь мойдкывйö «гумла» кыв.

 

Восьтасны кö 3 номер – «Руч да чокыр» мойд:

Челядь, кыдзи эськö сьыліс руч «Руч да чокыр мойдын», кор локтіс дорччысь дорö. Вайö сьылыштöй öтвылысь:

«Дорччысьöй, дорччысьöй,

Вайлы меным кльöщитö

Мой пинь нетшыштны,

Пипу доз перйыны,

Кöч йöв лысьтыны,

Шонді пиöс вердны,

Тöлысь öшкöс вöтлыны,

Ен зуд кыскыны,

Панлысь пурт кеслыны,

Чокырöс начкыны,

Менö ручöс вердны».

 

Восьтасны кö 4 номер – «Седун» мойд:

Челядь, кыдзи «Седун» мойдын зырымöсь да дулльöсь Седун вермис пöрны мича да ён молодечö? (Пыраліс вöв пельö, öтар пеляс пывсис-мыссис, а мöдарас кöмасис-пасьтасис).

 

 

Восьтасны кö 5 номер – теорияысь юалöм (öтув ворсöм):

А тайö миян öтув ворсöм. Видзöдлам, коднан команда вöчас уджсö öдйöджык. Бура-ö ті сюркнялінныд пель саяныд, мый сэтшöмыс мойд? Сетöм кывъясысь артмöдöй мойдкывлысь вежöртас (определение).

(Полина сетö кывъяс кыкнан командалы, на серти челядь тэчöны мойдлысь вежöртас:

Мойд – сійö вежöрöн ворсöм, мый пыр воссьö морт ру да йöзкост олöм).

 

Восьтасны кö 6 номер – «Руч да дябыр» мойд:

Бöрйöй, кутшöм инструментöн «Руч да дябыр» мойдысь руч кöсйис керавны дябырлысь пусö:

  • Черöн?
  • Нöшкöн?
  • Бöжöн? (Бöжöн)

 

Восьтасны кö 7 номер – «Окма» мойд:

Гулю, дзодзöг, утка, кырныш, вöв, катша, вурдысь, йöрш, чунькытш, анькытш тусь – кодö да мыйö сöмын эз пöртчыл  «Окма» мойдысь старик гозъялöн пиыс, медым мынтöдчыны Окма-кöлдунысь.

Но вайöдöм дас видлöгас öти лишнöй. Тöдмалöй, кутшöм?

 

Восьтасны кö 8  номер – «Кöин сар» мойд:

Мый бурсö вайö Марпида Саревналы да Öлексея- Божъялы «Кöин сар» мойдын ичöтик куд, «кулак ыджда сöмын»? (Сарство, ыджыд да мича).

 

Восьтасны кö 9 номер – «Меліа сёрнитіс» мойд:

«Меліа сёрнитіс» мойдысь кора лыддьыны рольяс серти исправник да Ласей дядь костын сёрни:

( – Мый тэныд, ротальлы колö?

– Менö, ваше благородие, куимöн зульöдісны.

– Кодъяс?

– Первой старшина, сэсся урадник, сэсся станöвöй. Локті на вылö закон корсьны.

– Ме тэныд, сьöд мужиклы, законтö ог кут петкöдлыны, – серöктіс исправник. – Менам киöй еджыд чуня кепыся, а тэнад рожаыд няйт. Лякöсся. Мун бурöн гортад да некор гырысь йöз вылö эн норась).

 

Пом:

Молодечьяс! Вайö арталамöй баллъяс. Вермысьöн лоис … команда.

Ме аддза, мый ті зэв бура тöданныд коми мойдъяс, а сідзкö, ставныд талун босьтанныд «вит». Аттьö уджалöмысь.

1

 

Информация о публикации
Загружено: 22 мая
Просмотров: 22
Скачиваний: 0
Старцева Эльвира Александровна
Родной язык и литература, 5 класс, Уроки
Скачать материал